MSICHANA NA DAWA ZA KULEVYA

By, Melkisedeck Shine.

familia-mapenzi-na-mahusiano.png

MSICHANA NA DAWA ZA KULEVYA

Tatizo la vijana kutumia na kuathirika kwa dawa za kulevya ni njanga la kijamii katika ngazi ya kitaifa na kimataifa. Vijana wengi siku hizi hutumia dawa za kulevya au kutumiwa katika uuzaji, usafirishaji na usambazaji wa dawa hizi bila kuelewa kinagaubaga madhara yake kwao binafsi na jamii kwa ujumla. Dawa hizi huathiri utendaji wao wa kijamii na kihisia, hudhuru afya ya mwili na akili na kumfanya kijana ashindwe kufikia mafanikio ya kimaisha.
Vijana wengi wanaojitumbukiza katika tabia ya kutumia dawa hizi kutokana na urahibu, hupata ugumu wa kujinasua hata pale wanapotamani kuacha. Dawa hizi huchochea mwili na kuusisimua, huleta hisia bandia za kupendeza na kudumaza utendaji wa ubongo na neva.
Kuna aina nyingi ya dawa za kulevya, zingine hutumiwa hadharani na zingine hutumiwa kwa kificho, kutokana na kuzuiliwa kulingana na sheria za nchi kwa sababu ya viwango vikubwa vya madhara yake. Vileo kama pombe, tumbaku, sigara, bangi, mirungi, kokeini, heroin, mandrax na petrol vyote hivi huingia katika kundi la dawa zinazolevya pale vinapotumiwa na binadamu kwa kusudi la kujiburudisha.

Dalili za athari za matumizi ya dawa hizi huwa ni pamoja na kutetemeka, kukosa usingizi, uchangamfu bandia usiokuwa wa kawaida, ulegevu wa mwili, ukali bila sababu bayana au mabadiliko ya kitabia ya ghafla. Ingawa matumizi ya dawa za kulevya huwadhuru vijana wa jinsia zote, wasichana hupata madhara ya dawa hizi haraka zaidi kuliko wavulana.

Baadhi ya athari dawa za kulevya

Athari za Kiafya: Matumizi ya dawa za kulevya husababisha athari zifuatazo:-
โ€ข Kuharibika kwa ubongo: ubongo wa mtu anayetumia dawa za kulevya umbo na utendaji wa ubongowake huathirika na kushindwa kufanya kazi zake kama kawaida.
โ€ข Huongeza uwezekano wa kupata saratani (kansa) ya bomba la kupitishiwa hewa, mapafu na saratani ya mji wa mimba.
โ€ข Dawa za kulevya huhafifisha utendaji wa dawa za kupanga uzazi na kuzuia mimba, hii huongeza hatari ya msichana kupata mimba zisizotarajiwa pale atakapojuhusisha na ngono zembe hata kama anatumia dawa za kuzuia mimba.
โ€ข Husababisha magonjwa ya moyo na ini.
โ€ข Husababisha magonjwa ya akili.
โ€ข Hupoteza hamu ya kula.
โ€ข Kukosa usingizi.
โ€ข Huleta vidonda vya tumbo.
โ€ข Urahibu au hali ya kukosa uwezo wa kujidhibiti na kushindwa kuacha matumizi ya dawa hizo pale anapoamua kuacha. Mtu anayekabiliwa na urahibu wa dawa za kulevya huwa sawa na mtumwa ambaye hana uwezo wa kufanya maamuzi kwa ajili ya Maendeleo yake binafsi na Maendeleo ya jamii.
โ€ข Wasichana wengi wanaotumia dawa hizi kabla ya balehe, huchelewa kubalehe.
โ€ข Husababisha udhaifu wa mifupa hivyo msichana anayetumia dawa za kulevya anaweza kupata mvunjiko wa mifupa kwa urahisi.
โ€ข Maambukizi ya magonjwa kama homa ya ini na UKIMWI utokanao na virusi vya UKIMWI (VVU). Hii huwapata watumiaji wa dawa za kulevya wanaojidunga sindano za kuchangia.
Athari za Kijamii: Katika maswala ya kijamii dawa za kulevya husababisha athari nyingi ikiwa ni pamoja na:-
โ€ข Ugomvi, vurugu na tabia za kuendekeza ngono hatarishi.
โ€ข Kushindwa kuendelea na masomo au kazi .
โ€ข Kuvunjika kwa mahusiano ya kijamii na kifamilia.
โ€ข Kudharauliwa na jamii.
Athari za Kiuchumi: Dawa za kulevya huathiri uchumi wa mtu kwa sababu zifuatazo:-
โ€ข Kushindwa kuzalisha mali na kufirisika
โ€ข Kupoteza uwezo wa kukabiliana na changamoto za maisha.

Baadhi ya sababu zinazotumbukiza vijana katika matumizi na biashara ya dawa za kulevya
o Kuiga tabia za marafiki wenye tabia zisizofaa au kuiga mila mbovu za kigeni zinazoonyeshwa katika vyombo vya habari na kupambwa kama ustarabu wa kisasa au kwenda na wakati. Magazeti, vitabu, televisheni na internet(wavuti) nyingi huonyesha watu wanaotumia dawa za kulevya kama watu wenye mafanikio au watu wenye maisha bora , wanaokwenda na wakati na wasiokuwa washamba. Jambo hili huwachochea vijana wengi kuona matumizi ya dawa hizi kuwa ni jambo la kawaida na linalotamanika.
o Kupoteza mawazo au kuepuka hali ngumu ya maisha โ€“ vijana wanaotumia dawa za kulevya kwa sababu hii hupoteza uwezo wao unaohitajika ili kukabiliana na hali ya maisha. Husimamisha na kuhairisha ukuaji wao wa kihisia na kifikra katika kukabiliana na changamoto za maisha.
o Kuacha au kuachishwa shule: vijana wengi wanaofukuzwa shule hujitumbukiza katika janga la kutumia dawa za kulevya kama sababu ya kuachishwa shule haikuwa kutumia dawa hizo.
o Kukataliwa na wazazi, jamii au wapenzi wao: wasichana wanaotumia dawa za kulevya huwa na tabia yisizokubalika katika jamii, hii husababisha wasichana hawa kuwa sawa na kunguru wasiofugika.
o Upweke na matatizo ya kisaikolojia.
o Kukosa heshima kwa wazazi, walimu na viongozi wa kijamii.
o Kukosa makazi na kuwa watoto wa mitaani.
o Kutaka kujionyesha kuwa wanakwenda na wakati na kutafuta umaarufu wa haraka.
o Kupatikana kwa dawa za kulevya kwa urahisi katika mitaa.
o Kupenda utajiri na mafanikio ya haraka kwa njia za mkato bila kufuata kanuni za kimaadili za mafanikio.

Jinsi msichana anavyoweza kuepuka dawa za kulevya

1. Kujifunza maadili mema.
2. Kupata elimu juu ya madhara ya dawa za kulevya.
3. Kufanya kazi kwa bidii na kuepuka tabia ya kukaa vijiweni.
4. Kuepuka makundi rika na marafiki wanaoshawishi utumie dawa za kulevya ili uwe kama wao.
5. Epuka kuanza, kuonja au kujaribu dawa hizi. Ukianza utashindwa kuacha na ukishindwa kuacha utaharibikiwa na kuwa zezeta.
6. Thamini masomo kwa dhati na uwe na malengo ya maisha yako.Mtu asiyekuwa na malengo ni rahisi kuyumbishwa na kujiingiza katika matumizi ya dawa za kulevya.
7. Jiheshimu mwenyewe na tumia vizuri kila seli ya ubongo wako vizuri, tumia ubongo wako kuendesha maisha yako vizuri.
8. Jihusishe na shughuli za ibada mara kwa mara na kuzingatia mafundisho ya dini. Mafundisho ya dini nyingi huwa ni kinga dhidi ya matumizi ya dawa nyingi za kulevya.


USIKOSE HII๐Ÿ‘‰ Here a data collection expert

Endelea kusoma makala hizi zifuatazo;

a.gif NDOA NA MIMBA KATIKA UMRI MDOGO

Zipo sababu nyingi na ushahidi mwingi wa kisayansi, unaonyesha kuwa, ndoa na mimba katika umri mdogo wa msichana chini ya umri wa miaka 18 ni hatari kwa afya na mstakabali wa maisha yake na mtoto wake.Wasichana wengi wakati huu licha ya kuanza kupevuka wanakuwa hawajakomaa kiakili na uwezo wao ni duni katika maamuzi juu ya kufaa kwa mtu atakayekuwa mwenzi sahihi wa maisha.
Kimwili pia wasichana katika umri huu wanakuwa hawajawa tayari kuyakabili majukumu ya uzazi na unyumba, nyonga za wasichana wanaoendelea kukuwa mara nyingi huwa changa na finyu kiasi kwamba husababisha matatizo mengi ya uzazi wakati wa kujifungua kwa njia ya kawaida… soma zaidi

a.gif MSICHANA NA UPUNGUFU WA KINGA MWILINI

Afya ya mwili wa binadamu hutegemea kiwango cha kinga mwilini. Kinga ya mwili husaidia mwili kupambana na vimelea hatari vinavyo sababisha magonjwa. Mwili wa binadamu unaweza kupungukiwa na kinga yake kutokana na sababu mbalimbali.
Kutokana na ujio wa virusi vya UKIMWI mwanzoni mwa miaka ya 1980, sababu ya vyanzo vya upungufu wa kinga mwilini vinaweza kugawanyika katika makundi makuu mawili yaani upungufu wa kinga mwilini kutokana na maambukizo ya virisi vya UKIMWI na upungufu wa kinga mwilini bila maambukizi ya virusi vya UKIMWI… soma zaidi

a.gif NGONO KABLA YA NDOA KWA MSICHANA

Siku hizi ngono kabla ya ndoa hutazamwa na vijana wengi kama jambo la kawaida.Vijana wa kike na wa kiume hawahisi hatia yoyote ya kuwa na uhusiano wa kingono katika umri mdogo. Kwa kufanya hivi vijana hupoteza mwelekeo kwa kuishi kiholela bila ya kuwa na mwongozo unaongoza maisha yenye mafanikio sasa na baadaye. Uwezo, fursa na bahati ya vijana kwa ajili ya maisha bora hupotea bure. Vijana hufikiria kuwa ngono ndilo jibu na ufumbuzi wa hali ngumu wanayokabiliana nayo wakati wa balehe na kupevuka. Wengi wao hupungukiwa uwezo wa kutabili nini kitatokea baadaye kama matokeo ya ngono kabla ya ndoa.
Wasichana wanaojiingiza katika mahusiano ya kingono kabla ya ndoa na katika umri mdogo huweka rehani uaminifu, afya na uvumilivu wao wa hisia kuhusu mahusiano ya kingono wakati watakapo ingia ndani ya ndoa hapo baadaye.Vijana wengi hawaelewi kuwa ngono haramu huzaa wivu, tuhuma mbaya na majanga ya kijamii. Hufanya mwenzi kumfikiria msichana kuwa ana udhaifu wa kimaadili na hali hii hutia alama katika hisia za mwenzi kuhusu hali ya uaminifu wa mwenzake hasa pale anapokuwa mbali naye… soma zaidi

[Picha Nzuri] ๐Ÿ‘‰Uharamia ndio unaanzia kama huku

[Msemo wa Leo] ๐Ÿ‘‰Tamaa ni asili

[Jarida la Bure] ๐Ÿ‘‰Kijitabu cha Kilimo Bora cha Matikiti

[Hadithi Nzuri] ๐Ÿ‘‰Kisa cha mama na mwanae namkwe wake

[SMS kwa Umpendaye] ๐Ÿ‘‰SMS nzuri kwa mpenzi wako

a.gif Biblia inasema nini kuhusu mume mwema

Mume mwema ni yule anayeheshimu nafasi ya Mungu katika maisha yake, anayemcha Mungu na kuepukana na uovu wa kila aina. Anatambua kwamba Mungu ndiye anayepaswa kuongoza maisha yake na si vinginevyo… soma zaidi

a.gif Jinsi ya kupika wali wa Tuna (samaki/jodari)

Tuna (samaki/jodari) - 2 Vikopo.. soma zaidi

a.gif Naomba majibu! Ungekua wewe ungefanjaje?

Nisaidie hili :
KUNA BWANA 1 MKAZI WA UNGUJA, ILA yupo London akawaagiza nduguze wamuolee MKE, wakamuolea… soma zaidi

a.gif Je, Uvutaji wa sigara unafurahisha na kuchangamsha?

Ndiyo, lakini ni mwanzo tu na kwa muda mfupi; hii ni kwa
sababu mwanzoni nikotini iliyomo katika sigara inasababisha
damu kumiminika kwa wingi kupita kwenye ubongo wako. Hivyo,
husababisha msisimko na kukufanya ujisikie raha. Nikotini
pia inasababisha misuli mwilini kujichua na hivyo kukufanya
ujisikie mchangamfu… soma zaidi

a.gif Je, ni kweli kwamba kuvuta bangi kunaongeza akili na uwezo wa kufikiri?

Hapana, hii si kweli! Vijana wanaoamini kwamba wana uwezo wa kufikiri baada ya kuvuta bangi kwa sababu inawapa hisia ya kuzoea mihemko ya kusikia vizuri au kufahamu kwa haraka. Lakini ni kawaida kwamba uvutaji wa bangi unaathiri shule, kazi na shughuli nyingine kinyume na matarajio ya mafanikio. Siku zote vijana wavutaji bangi wanapoteza ari shuleni au mafunzoni. Wanashindwa kuweka malengo ya maisha yao ya baadaye… soma zaidi

familia-mapenzi-na-mahusiano.png

.

familia-mapenzi-na-mahusiano.png
UJUMBE-WA-ZA-JIONI-KWA-NDUGU.JPG
picha-kali.png

Website na, Melkisedeck Leon Shine | Tembelea website nyingine Hapa>>.