a.gif Je, mwanamke anajisikiaje akijamiiana na mwanaume aliyevaa kondomu au aliye β€œpeku”?

Category πŸ‘‰wiki, Tags πŸ‘‰ akijamiiana aliye aliyevaa anajisikiaje asiyevaa au gani hatuwezi husikia je kondomu kusema mwanamke mwanaume na β€œpeku”? raha,
Je, mwanamke anajisikiaje akijamiiana na mwanaume aliyevaa kondomu au aliye β€œpeku”?
Hatuwezi kusema mwanamke husikia raha gani akijamiiana na mwanaume aliyevaa kondomu au na mwanaume asiyevaa kondomu. Kila mtu ana upendeleo wake, lakini jambo la msingi katika kujamiiana ni hisia, hali ya kuelewana katika mapenzi na kiwango cha msisimko.
Wanawake wengine wanapendelea kujamiiana na mwanaume aliyevaa kondomu, kwa sababu hofu ya kupata mimba au kuambukizwa magonjwa ya zinaa haipo. Wanawake wengine wanapendelea kujamiiana bila kondomu. Lakini, pamoja na hatari ya kupata mimba, siku hizi kujamiiana bila kondomu kuna hatari ya kuambukizana magonjwa ya zinaa na hasa Virusi vya UKIMWI na UKIMWI. Kwa hiyo ni vizuri zaidi kutomwamini mtu yeyote mpaka mpimwe kliniki wote wawili kuwa ni wazima wa afya na kuendelea kuwa waaminifu wote wawili.. read more...


a.gif Je, ni madhara gani atapata mama mjamzito endapo atajamiiana na mwenzi wake?

Category πŸ‘‰wiki, Tags πŸ‘‰ ana atajamiiana atapata endapo gani hakuna hamu hasa hawana hivyo hufunga inashauriwa je kabisa kama kati kifuko kinamzunguka kiume kubwa kujamii kumfikia kupenya kwa lakini lisigandamizwe madhara magonjwa mama mbegu mfuko mimba mjamzito mtoto mtoto. mwa mwanamke mwanaume mwenye mwenzi mwishoni na ni sana. tumbo ujauzito uwezekano vizuri wa wakati wake? wake. wanawake wengine wowote ya yoyote za zinaa,
Je, ni madhara gani atapata mama mjamzito endapo atajamiiana na mwenzi wake?
Kama kati ya mwanamke na mwanaume hakuna mwenye magonjwa ya zinaa, hakuna madhara yoyote kwa mwanamke mwenye mimba kujamii ana na mwenzi wake. Mfuko wa mimba hufunga kabisa na kifuko kinamzunguka mtoto vizuri, na hivyo hakuna uwezekano wowote wa mbegu za kiume kupenya na kumfikia mtoto.
Inashauriwa lakini wakati wa kujamii ana na mwanamke mjamzito tumbo lisigandamizwe sana. Wanawake wengine hawana hamu kubwa ya kujamii ana hasa mwishoni mwa ujauzito, na mwanaume anashauriwa kuheshimu hisia hizi za mwanamke.
Kama mwanaume atakuwa ameambukizwa magonjwa ya zinaa wakati wa kujamii ana, hii i ii inaweza kuwa hatari sana kwa mwanamke na pia kwa mtoto tumboni. Wakijamii ana mume na mke wakati wa ujauzito, lazima wawe na uhakika kwamba hamna mwenye magonjwa ya zinaa au watumie kondomu kwa ajili ya kinga. Iwapo watakuwa na wasiwasi wowote, wamwone daktari kwa uchunguzi.. read more...


a.gif Ni siku gani katika mzunguko wa hedhi yai linapoweza kurutubishwa?

Category πŸ‘‰wiki, Tags πŸ‘‰ 14 akapata ana anajamii anaweza au baada cha chache endapo gani hedhi hupevuka husafirishwa i inayofuata. kabla katika kipindi kiume kokwa kukomaa kulia kupevuka kupitisha kurutubishwa? kurutubishwa. kushoto kwenye la likijiunga linapopevuka linapoweza linaweza mayai mbegu mfuko mimba. mmoja mpaka mrija mwanamke mzunguko na ndani ni siku upande uzazi. wa ya yaani yai zilezile,
Ni siku gani katika mzunguko wa hedhi yai linapoweza kurutubishwa?
Yai mmoja hupevuka siku 14 kabla ya hedhi i i inayofuata. Baada ya yai kukomaa ndani ya kokwa la upande wa kulia au wa kushoto, yai husafirishwa kwenye mrija wa kupitisha mayai mpaka kwenye mfuko wa uzazi.
Yai likijiunga na mbegu ya kiume ndani ya mrija wa kupitisha mayai siku zilezile, linaweza kurutubishwa. Yaani, endapo mwanamke anajamii ana kipindi cha siku chache kabla ya yai kupevuka au siku yai linapopevuka anaweza akapata mimba.
Kwa sababu wasichana wengi hawapati hedhi ya kawaida, yaani mzunguko wa siku 28 katika kila mwezi, ni vigumu sana kwao kufahamu tarehe ya hedhi i i inayofuata. Hivyo ni vigumu kujua lini litakuwepo yai linalongojea kurutubishwa.
Mzunguko wa hedhi kwa msichana unaweza kuathiriwa na mfadhaiko, huzuni, safari au mabadiliko mengine katika maisha ya msichana. Hata kama msichana ana mzunguko wa kawaida wa hedhi hali hiyo inaweza kubadilika ghafla na ukawa sio wa kawaida. Wanawake wengi na hasa wasichana hawawezi kutegemea kuhesabu siku kama njia ya kuzuia mimba, kwa sababu hawawezi kuwa na uhakika i iwapo lipo yai linalongojea kurutubishwa au la. Hakuna siku salama za kuepukana na mimba!. read more...


a.gif Sheria gani zimetungwa kuhusu ukeketaji?

Category πŸ‘‰wiki, Tags πŸ‘‰ afya ana azimio binadamu. gani haki huru imetia inayohakikisha katika kila kimataifa kuhusu kukubali kulinda kutokunyanyaswa kuwa kwa la mapatano mashirika mataifa mdhamana mfano mikataba mtu na saini serikali sheria tanzania ukeketaji? umoja wa wameweka ya za zimetungwa zote,
Sheria gani zimetungwa kuhusu ukeketaji?
Serikali zote na mashirika ya kimataifa wameweka mdhamana
na kukubali kulinda haki za binadamu. Tanzania imetia saini ya
mapatano na mikataba ya kimataifa inayohakikisha kuwa kila
mtu ana haki kwa afya na haki ya kuwa huru kutokunyanyaswa
kwa mfano katika Azimio la Umoja wa Mataifa kuhusu Haki za
Binadamu.
Maazimio mengine yaliyoboreshwa ili kulinda haki za wanawake na
watoto,15 ni kama lile Azimio la Kuondoa Ubaguzi kwa Wanawake
na Azimio la Haki za Mtoto. Maazimio haya yanaeleza wazi kuwa
ukeketaji ni desturi mbaya na ni kinyume na haki za binadamu,
kinyume cha haki za mtoto na kinyume cha haki za afya kwa
wanawake. Na zaidi nchi nyingi za kiafrika wamepitisha sheria
kupiga marufuku ukeketaji.16 Hapa Tanzania, Bunge limepitisha
sheria maalumu ya Makosa ya Kujamiiana ya mwaka 1998 ambayo
inakataza ukeketaji kwa wasichana na wanawake vijana chini ya
miaka 18. Pia kuna sera17 ambayo inaelezea jamii kuondoa mila na
desturi kama vile ukeketaji kwa kuwa zina madhara kwa vijana.
Hivyo kama wewe ni msichana chini ya miaka 18 ni kosa la jinai
kufanyiwa tohara na pia ni kosa kwa mangariba kujishughulisha
na ukeketaji wa wanawake.. read more...


a.gif Ni katika umri gani vijana wana haki ya kutumia huduma za afya ya uzazi na njia za uzazi wa mpango?

Category πŸ‘‰wiki, Tags πŸ‘‰ afya cha gani haki hakuna hasa huduma iwapo juu katika kiwango kuanza kujamiiana kupata kutumia kwa kwanza kwenye masuala mbalimbali mpango? mpango. na ni njia pale pamoja uende ujinsia umeamua umri unapoona unatakiwa unazihitaji. ushauri uzazi vijana wa wana ya za,
Ni katika umri gani vijana wana haki ya kutumia huduma za afya ya uzazi na njia za uzazi wa mpango?
Hakuna kiwango cha umri kwa kutumia huduma za afya ya uzazi
na njia za uzazi wa mpango. Unatakiwa kuanza kutumia huduma
za afya ya uzazi pale unapoona unazihitaji. Na hasa iwapo
umeamua kujamiiana, unatakiwa uende kwanza kwenye huduma
za afya ya uzazi, na kupata ushauri juu ya ujinsia na masuala
ya afya ya uzazi pamoja na njia mbalimbali za uzazi wa mpango.
Vijana kisheria wamepewa haki ya kutumia njia za uzazi wa
mpango.
Nchini Tanzania kuna sera ya idadi ya watu ya mwaka 1992.2
ambapo kati ya mambo mengine inalenga katika kuandaa
vijana, kabla ya kuingia katika maisha ya ndoa wawe wazazi
wanaowajibika kwa kuinua kiwango cha elimu ya familia.
Sera hii inazungumzia uanzishwaji wa huduma za afya ya uzazi
ambayo itakidhi mahitaji ya vijana na inawahakikishia vijana
kupata huduma za afya ya uzazi kwa urahisi bila pingamizi
katika umri wowote.
Baadhi ya watu wanafikiri kuwa huduma za uzazi wa mpango ni
kwa watu walio kwenye ndoa. Hii si kweli, mtu yoyote anaruhusiwa
kutumia huduma za uzazi wa mpango na kupata njia mbalimbali
za uzazi wa mpango. Vijana3 wanafaidika na kuwa na haki sawa
kama watu wazima walio kwenye ndoa. Huduma za kinga kama
vile ushauri juu ya mafunzo ya afya ya uzazi na vilevile kondomu
ni njia za kuzuia mimba zinapatikana bure katika vituo vya afya
vya serikali hapa Tanzania.. read more...


a.gif Ni katika umri gani vijana wana haki ya kujihusisha na mambo ya kujamiiana?

Category πŸ‘‰wiki, Tags πŸ‘‰ binafsi. gani hadhari haki hakikisha hakuna kama katika kondomu kuchukua kujamiiana kujamiiana? kujamiiana. kujihusisha kujikinga kukuamulia. kumbuka kutokana kutumia kwamba lakini maamuzi magonjwa mambo matokeo mimba mtu muhimu. mwenye mwenzi na ni uamuzi ukimwi. uliojulishwa umri unaelewa unapoamua usisahau usizotarajia vijana vile virusi vya wa wako wana wewe ya yeyote,
Ni katika umri gani vijana wana haki ya kujihusisha na mambo ya kujamiiana?
Kujamiiana ni uamuzi wa mtu binafsi. Ni uamuzi wako na hakuna
mtu yeyote mwenye haki ya kukuamulia. Lakini unapoamua
kujamiiana hakikisha kwamba ni maamuzi uliojulishwa na kwamba
unaelewa matokeo ya kujamiiana. Usisahau kuchukua hadhari
muhimu. kumbuka kutumia kondomu kujikinga wewe na mwenzi
wako kutokana na mimba usizotarajia na magonjwa kama vile
Virusi vya UKIMWI. Madhari mwili wako unaendelea kukua,
kujamiiana bila ya kondomu ni hatari zaidi kuliko mtu mzima,
kwa sababu maambukizo mengine haswa kwa vijana yanaweza
kukuletea matatizo kama vile ugumba baadaye katika maisha.
Pia jiulize mwenyewe kwa uangalifu kama kweli unataka
kujamiiana. Ni muhimu pia kujadiliana na mwenzi wako na kuwa
na hakika kama wote wawili mnataka kujamiiana. Usijamiiane
kwa sababu tu unafikiria kwamba watu wengine wanajamiiana
au unajitosa kwa kuwa unashawishiwa na marafiki au watu
wazima.. read more...


a.gif Ni umri gani ambapo vijana wanapaswa kuelezwa juu ya afya ya uzazi na njia za uzazi wa mpango?

Category πŸ‘‰wiki, Tags πŸ‘‰ afya ambapo balehe gani habari haki hasa hisia hisia. jinsi juu katika kimwili kisaikolojia kuelezwa kupata kuwapa mabadiliko maisha mambo mpango? na ni njia ukuaji umri uzazi vijana wa wale wana wanaowasimamia wanapaswa wanapitia wanavyokuwa wanayoyapenda. watoto watu wazima wote ya yanavyoshawishi yao. yote za,
Ni umri gani ambapo vijana wanapaswa kuelezwa juu ya afya ya uzazi na njia za uzazi wa mpango?
Vijana balehe wote wana haki ya kupata habari juu ya mambo yote
wanayoyapenda. Watoto wanavyokuwa, wanapitia mabadiliko ya
kimwili, hisia na ya kisaikolojia katika maisha yao. Watu wazima,
hasa wale wanaowasimamia watoto wanapaswa kuwapa habari
juu ya mabadiliko na jinsi yanavyoshawishi ukuaji wa kimwili na
hisia. Hii ni muhimu ifanyike muda wote na katika kila rika.
Vijana wana mahitaji mbalimbali kutegemea umri wao, katika
hatua ya ukuaji na mazingira, mvulana wa umri wa miaka 11 au
kijana wa miaka 18 watakuwa na shauku tofauti. Pi wavulana au
wasichana wana haja tofauti na hata vijana wawili wenye umri
na jinsia moja wanaweza kukua kwa kasi na njia tofauti.
Tofauti hizi zinahitaji
kutambuliwa na kushughulikiwa.
Ni muhimu
pia kutambua
kwamba mahitaji
haya yatabadilika
kadiri ya muda unavyoenda
na pia kuweza
kubadilika kwa
haraka sana. Kwa
mfano mtu anapokuwa
na mhemuko wa
kujisikia kujamiiana.
Kwa njia yoyote, watoto
wana haja ya
kupata habari juu ya
uzazi kabla au mara
tu wapaoingia katika
ujana. Pia mada juu ya wajibu wa wavulana na wasichana katika
jamii, uhusiano na marafiki, na wazazi, uhusiano wa kijinsia na
matatizo yanayotokana na unyanyasaji wa kijinsia / ujinsia ni
muhimu yajadiliwe.
Iwapo vijana hawapati habari za kutosha juu ya mabadiliko ya
miili yao wanaweza kuingizwa katika matatizo ya kimaisha, ya
kijinsia na mimba yasiyotarajiwa au magonjwa yatokanayo na
kujamiiana pamoja na Virusi vya UKIMWI. Kwa hiyo wasichana
na wavulana wanahitaji kupata elimu ya ujinsia wanapokuwa vijana
wadogo. Hii ni pamoja na habari ya jinsi ya kujilinda wenyewe.
Siyo kweli kwamba elimu ya ujinsia inahimiza vijana wajamiiane.
Kinyume chake, wale vijana waliopata habari sahihi wanakuwa
na mwelekeo mzuri na wana uwezo wa kufanya maamuzi sahihi
. kama vile kuamua kuahirisha kujamiiana mpaka baadaye na
pia wanajilinda mara wanapoanza kujamiiana. Elimu ya Afya ya
Uzazi na Ujinsia ina habari juu ya uzuiaji wa mimba na kondomu.
Kabla ya kuanza kujamiiana inatakiwa vijana waelezwe kuhusu
njia za uzazi wa mpango na hasa jinsi ya kutumia kondomu kwa
sababu kondomu huzuia maambukizo ya Virusi vya UKIMWI
na magonjwa yatokanayo na kujamiiana. Jambo la busara ni
kwenda kliniki kwa ushauri katika suala zima la njia za uzazi wa
mpango mara tu ukiamua kuanza kujamiiana.. read more...


a.gif Afya ya uzazi ni nini?

Category πŸ‘‰wiki, Tags πŸ‘‰ afya basi gani hali hiyo ina inahusiana kama katika kuamua kukidhi kuwa kwa kwamba lini maana maisha mambo mapenzi mfumo mtu muda na ni nini? pia uhuru ujinsia. usalama uwezo uzazi via vya wa wana wapate watoto watoto. watu watu. ya yanayojumuisha yao yote,
Afya ya uzazi ni nini?
Afya ya uzazi inahusiana na mfumo wa uzazi wa mtu, na via
vya uzazi kwa watu. Kwa hali hiyo basi inahusiana na mambo
yote yanayojumuisha uzazi na ujinsia. Ina maana kuwa watu
wana uwezo wa kukidhi mapenzi na usalama katika maisha
yao, kwamba watu wana uwezo wa kuwa na watoto na pia wana
uhuru wa kuamua, kama lini na kwa muda gani wapate watoto.
Yaliyomo humu yanampa haki mwanamume na mwanamke kupewa
habari au kuelekezwa na kufikiwa na njia za uzazi wa mpango
ambazo ni salama, zinazofanya kazi, anazomudu kulipia na njia
zinazokubalika za uzazi wa mpango alizochagua na haki ya kuwa
na huduma za afya zinazofaa ambazo zitawawezesha wanawake
kuwa salama wakati wa ujazito na kujifungua.. read more...


a.gif Je, kuna madhara gani yatokanayo na uvutaji sigara kwa vijana hasa kijana Albino?

Category πŸ‘‰wiki, Tags πŸ‘‰ albino? ambayo anayevuta baki). gani hasa (hii hutokana inaitwa je karibu kijana kuendelea kukaa kuleta kuna kupata kwa kwani kwenye madhara mapafu mengi mengine moshi mtu mvutaji mwili. na nyingine pia sehemu sigara sigara. unaingia unaweza uvutaji vijana yanampata yatokanayo za,
Je, kuna madhara gani yatokanayo na uvutaji sigara kwa vijana hasa kijana Albino?
Kuna madhara mengi ambayo hutokana na uvutaji sigara.
Madhara mengi yanampata mvutaji kwani moshi unaingia
kwenye mapafu na kuendelea kuleta madhara mengine sehemu
nyingine za mwili.. read more...


a.gif Je, kuna madhara gani ya kunywa pombe kwa vijana hasa kijana Albino?

Category πŸ‘‰wiki, Tags πŸ‘‰ akiwa albino? anaweza anayeishi athari baiskeli bila gani hali hasa je kadhalika. katika kijana kimchoromchoro kondomu kuendesha kufanya kuhatarisha kujamiiana kuna kunywa kuvaa kuzembea kwa madhara maisha mfano mtu na ni pombe sahihi sawa ualbino uamuzi ulevi vijana watu wengine. ya yake za zile zinazowapata,
Je, kuna madhara gani ya kunywa pombe kwa vijana hasa kijana Albino?
Athari za pombe kwa mtu anayeishi na ualbino ni sawa na zile
zinazowapata watu wengine.
Mtu akiwa katika hali ya ulevi anaweza kuzembea katika
kufanya uamuzi sahihi kwa mfano kuhatarisha maisha yake
kwa kuendesha baiskeli yake kimchoromchoro, kujamiiana
bila kuvaa kondomu na kadhalika. Mbali na hayo, watu wenye
matatizo ya kunywa pombe husahau kujiweka katika hali nzuri
kwa maana hawajali kula chakula. Tabia hii inamuweka katika
hatari ya kuandamwa na maradhi.
Pombe zinaweza pia kuingiliana na maisha/uhusiano wa kimwili.
Mwanzo kabisa pombe inaweza kukusisimua na kukufanya
mchangamfu (kutoona aibu), lakini kadiri unavyoendelea
kunywa unaanza kusinzia na kwa upande wa wanaume wengine,
uume kukosa nguvu. Unaweza kushawishika kutoa aibu uliyo
nayo kwa kunywa pombe lakini mara nyingi hii haileti mvuto
kutoka kwa wenzi wako.. read more...


a.gif Je, mimi ni msichana Albino ninaweza kupata mimba kama nikijamiiana mara moja tu?

Category πŸ‘‰wiki, Tags πŸ‘‰ albino ana anaweza au bila gani inapokuja je kama kujali kujamiiana kupata kwa kwenye la mara mimba mimba. mimi moja msichana na ndiyo ngozi ngozi. ni nikijamiiana ninaweza rangi suala tu tu? ualbino ulemavu uwezekano wa wanafanana wanaoishi wasichana wasio weupe weusi wote ya,
Je, mimi ni msichana Albino ninaweza kupata mimba kama nikijamiiana mara moja tu?
Ndiyo msichana anaweza kupata mimba kwa kujamiiana mara
moja tu bila kujali ana rangi gani ya ngozi. Wasichana weupe,
weusi na wanaoishi na ualbino au wasio na ulemavu wa ngozi
wanafanana wote inapokuja kwenye suala la uwezekano wa
kupata mimba. Kinachobainisha/ kinachosababisha upatikanaji
wa mimba ni wakati tendo la kujamiiana linapofanywa na hatua
ya mzunguko wa hedhi. Kama yai lililopevuka kwa ajili ya
kurutubishwa litakuwa tayari basi ujauzito utatokea mara tu
baada ya mbegu ya mwanaume kuingia, (wakati wa kujamiiana).
Ujauzito unaweza kutokea hata kama msichana alikuwa bado
bikira na ni mara yake ya kwanza kujamiiana.. read more...


a.gif Kuna athari gani za mimba za utotoni hasa kwa kijana Albino?

Category πŸ‘‰wiki, Tags πŸ‘‰ . 18. akiwa albino albino? athari bado chini gani hasa hawana inashauriwa katika kijana kuna kutiliwa kutopata kwa kwamba masuala mdogo miaka mimba mkazo msichana na ni tofauti umri umuhimu utotoni vijana wa wengine ya za,
Kuna athari gani za mimba za utotoni hasa kwa kijana Albino?
Katika masuala ya athari za mimba katika umri mdogo ni
kwamba vijana Albino hawana tofauti na vijana wengine . Bado
inashauriwa na kutiliwa mkazo umuhimu wa msichana kutopata
mimba akiwa na umri chini ya miaka 18.. read more...


a.gif Hatua gani zichukuliwe dhidi ya wanaowakeketa au kuwachezea unyago Albino juani?

Category πŸ‘‰wiki, Tags πŸ‘‰ afya albino ambao ambayo au dhidi gani haki hatua hili jambo juani? kike. kinyume kukeketa kuwachezea kwa kwanza la linaonyesha mabaya. mambo mawili mtoto mwanamke na ni sheria swali ukeketaji unyago uvunjaji uzazi wa wanaowakeketa ya zichukuliwe,
Hatua gani zichukuliwe dhidi ya wanaowakeketa au kuwachezea unyago Albino juani?
Swali hili linaonyesha mambo mawili ambayo ni mabaya. Jambo
la kwanza ni ukeketaji ambao ni kinyume dhidi ya haki ya afya
ya uzazi kwa mwanamke na ni uvunjaji sheria ya kukeketa mtoto
wa kike. Jambo la pili ni kuwacheza Albino unyago juani. Kitendo
hiki ni kuwaumiza Albino kwa sababu ya ulemavu walionao wa
ngozi watapata madhara wakikaa sana juani. Pia hii ni aina ya
unyanyapaa kwa nini weusi wachezeshwe ndani na Albino juani?. read more...


a.gif Ni hatua gani zinazochukuliwa na serikali ili kukomesha vitendo vya kuwinda Albino?

Category πŸ‘‰wiki, Tags πŸ‘‰ 2007 albino albino? gani hadi hali hatua hiyo. ili imechukua kadhaa kufuatia kukomesha kurekebisha kuwinda mauaji mwaka na ni sasa serikali tangu tanzania vibaya vilivyozuka vitendo vya ya zinazochukuliwa,
Ni hatua gani zinazochukuliwa na serikali ili kukomesha vitendo vya kuwinda Albino?
Kufuatia vitendo vibaya vya mauaji ya Albino, vilivyozuka
Tanzania tangu mwaka 2007 hadi sasa, Serikali imechukua
hatua kadhaa kurekebisha hali hiyo. Hatua hizo ni pamoja
na:
β€’ Kuliagiza jeshi la polisi kuwatafyta na kuwakamata wauaji
wa aalbino.
β€’ Kumteua Albino kuwa Mbunge wa Viti Maalumu Wanawake.
β€’ Kutangaza hadharani kuwa mauaji haya siyo utamaduni
β€’ bali ni uhalifu mbaya ambao lazima uchukuliwe hatua za
kisheria.
β€’ Kutaka mikoa yote watangaze majina ya watu wote wanahusika
na mauaji haya.
β€’ Kuliagiza jeshi la polisi kuwatafuta na kuwakamata
wauaji wa Albino.
β€’ Kuanzishwa kamati maalumu ya mahakimu ili kuharakisha
hukumu za wauaji.
β€’ Viongozi wa juu wote wanalaani vitendo hivi katika mikutano
ya hadhara na matukio maalumu kama wakati wa mbio
za Mwenge wa Uhuru mwaka 2009.. read more...


a.gif Je, serikali imechukua hatua gani kudhibiti hali hii ya mauaji ya Albino? Tutaishi vipi?

Category πŸ‘‰wiki, Tags πŸ‘‰ β€œ 14 2008 aibu akaendelea albino? amewahi ana cha fedheha gani haki hali hata hatua haya hii hotuba imechukua jamii je katiba katika kifungu kikwete kila β€œkila kinaeleza kubwa kudhibiti kuishi kukemea kulindwa kusema kusema; kuwa: kwa lazima mara mauaji misingi moja.” mtu mwaka mwezi na ni β€œni pia rais sababu” serikali sheria.” taifa tanzania tutaishi ufasaha β€œukatili usio utu vipi? wake ya yakomeshwe yetu” za zake,
Je, serikali imechukua hatua gani kudhibiti hali hii ya mauaji ya Albino? Tutaishi vipi?
Kifungu cha 14 cha Katiba ya Tanzania kinaeleza kwa ufasaha
kuwa: β€œKila mtu ana haki ya kuishi na kulindwa utu wake katika
jamii kwa misingi ya sheria.” Hata Rais Kikwete katika hotuba
zake kwa Taifa za kila mwezi amewahi kukemea mauaji haya
mwaka 2008 kwa kusema; β€œ mauaji haya ni aibu na fedheha
kubwa kwa jamii yetu” pia β€œukatili usio na sababu” na akaendelea
kusema, β€œni lazima yakomeshwe mara moja.”
Serikali ya Tanzania kwa kushirikiana na taasisi na asasi za
kijamii wanaendelea kutoa mafunzo, taarifa na mazingira
yatakayowawezesha Albino kuishi maisha bora na yenye
mafanikio katika jamii.. read more...


a.gif Kama watu wanataka kuacha kuvuta sigara au kunywa pombe wafanyeje?

Category πŸ‘‰wiki, Tags πŸ‘‰ anajisikia anatakiwa au baada gani hatua hii hiyo huwa imara inataka kabisa kama katika kawaida kazi kuacha kuacha. kubadili kuepuka kufikiria kula. kundi kunywa kuvuta kwa kwanza kweli la maalumu maisha marafiki mazingira mtindo mtu na ngumu ni nia pamoja pili pombe pombe. rahisi sababu sherehe si sigara uamuzi vishawishi. wa wafanyeje? wakati wamedhamiria wanataka wanatakiwa watu wawe wazi ya,
Kama watu wanataka kuacha kuvuta sigara au kunywa pombe wafanyeje?
Kwanza kabisa, watu ni kweli wawe wamedhamiria kuacha.
Hii inataka uamuzi wa wazi na nia imara kwa sababu si rahisi
kuacha.
Pili, mtu anatakiwa kufikiria ni katika mazingira gani huwa
anajisikia kuvuta sigara au kunywa pombe. Hii kwa kawaida ni
pamoja na kundi maalumu la marafiki, katika sherehe, baada ya
kazi ngumu, baada au wakati wa kula. Kwa hiyo, kama wanataka
kuacha kuvuta sigara au kunywa pombe, wanatakiwa kubadili
mtindo wa maisha na kuepuka vishawishi.
Hatua ya kwanza katika kuacha kuvuta sigara au kunywa
pombe, inaweza ikawa ni kujiwekea malengo; kwa mfano, kuacha
kuvuta sigara kwa wiki nzima. Jipongeze kuwa umetimiza lengo
lako. Kama umeshindwa anza tena. Ni watu wachache ambao
wameweza kuacha kabisa katika jaribio la kwanza. Watu
wengine wanapata ugumu kuacha kabisa pombe na sigara.. read more...


a.gif Je, wasichana wana viungo gani vya uzazi na kazi zake ni zipi?

Category πŸ‘‰wiki, Tags πŸ‘‰ ambao ana damu gani hapa. hapo heat_anc3_fig1.small.jpg hedhi hupita huu inayofuata: je juu kati katika kazi kokwa kujamii kupitisha mayai mayai. mchoro mfereji mfuko michoro mirija mtoto na ndani ni nje sehemu tagi: uke ukiangalia ulio unaonyesha unatumiwa utaona uzazi uzazi. via vinaonekana viungo vya wa wakati wana wasichana ya za zake zipi?,
Je, wasichana wana viungo gani vya uzazi na kazi zake ni zipi?
Viungo vya uzazi vya ndani vinaonekana katika michoro inayofuata:. read more...


a.gif Mabadiliko gani yanatokea kwenye miili ya wavulana Wakati wa makuzi au wakati wa kubalehe?

Category πŸ‘‰wiki, Tags πŸ‘‰ / chunusi gani hatimaye i kifua kimwili korodani kubadilika kudinda kuota kusimama kuwa kwa kwenye mabadiliko mabega mafuta makuzi makwapani mara miili mikono na ndoto ngozi nguvu nyevu nywele nzito; sauti sehemu siri tagi: takuwa ukubwa; unaweza urefu usoni usoni; utaanza utaongezeka uume uzito wa wakati wavulana ya yako yanatokea yatakuwa za zaidi zitaongezeka,
Mabadiliko gani yanatokea kwenye miili ya wavulana Wakati wa makuzi au wakati wa kubalehe?

  • Utaongezeka urefu na uzito, mikono na mabega yatakuwa na nguvu zaidi, uume na korodani zitaongezeka ukubwa;
  • Ngozi yako i takuwa na mafuta zaidi na unaweza kuota chunusi usoni;
  • Kuota nywele sehemu za siri, makwapani na hatimaye usoni na kwenye kifua
  • Kubadilika sauti na kuwa nzito; na
  • Uume kusimama / kudinda mara kwa mara na utaanza kuota ndoto nyevu. read more...

a.gif Wakati wa makuzi/ kubalehe/ kuvunja ugo, ni mabadiliko gani yanatokea kwenye miili ya wasichana?

Category πŸ‘‰wiki, Tags πŸ‘‰ ambayo anaingia baadhi chunusi gani haswa hayo i kama kimwili kuanza kukua; kuna kuongezeka kuota kupanuka kuwa kwa kwenye mabadiliko mafuta makuzi matiti mengi miili msichana mwili na ngozi ni nyonga pia taanza tagi: unaweza urefu usoni; utu uzima. wa wakati wasichana? ya yafuatayo: yako yanatokea,
Wakati wa makuzi/ kubalehe/ kuvunja ugo, ni mabadiliko gani yanatokea kwenye miili ya wasichana?

  1. Kuongezeka urefu na kupanuka mwili haswa nyonga na matiti kuanza kukua;
  2. Ngozi yako i taanza kuwa na mafuta mengi, unaweza pia kuota chunusi usoni;
  3. Kuota nywele sehemu za siri (mavuzi) na makwapani; na
  4. Kupata damu ya hedhi (kuvunja ungo).. read more...

a.gif KUJITAMBUA KWA MSICHANA UKUAJI NA YOTE YANAYOAMBATANA

Category πŸ‘‰wiki, Tags πŸ‘‰ aelewe akili alipo. ametoka au duniani gani hali hapa hapo hisia ile inavyoathiri jinsi kama kichocheo kila kuelewa kujitambua kunamfanya kusudi kutambua kuwa kwa kwamba maamuzi mambo mihemuko msichana mtu mwili mwingine. mwitikio na ndani ni nini nje pekee tofauti ubaya udhaifu unayoyapenda usiyoyapenda. utendaji uwe uwezo wa wako wako. wapi wema wewe wewe. ya yako.. yale yanayofanya yeye yuko yupo,
KUJITAMBUA KWA MSICHANA UKUAJI NA YOTE YANAYOAMBATANA
ni ile hali ya mtu kuelewa kwamba yeye yupo kama yeye tofauti na mtu mwingine. Ni kuelewa kuwa wewe ni wa pekee, kutambua mambo yanayofanya wewe uwe wewe. Ni kutambua uwezo na udhaifu wako. Kutambua yale unayoyapenda na yale usiyoyapenda. Kuelewa mwitikio wako kwa kila kichocheo ndani na nje ya mwili wako. Kuelewa jinsi hisia na mihemuko inavyoathiri kwa wema au kwa ubaya, utendaji wa akili na maamuzi yako..
Kujitambua kunamfanya mtu aelewe ametoka wapi, kwa nini yuko hapa duniani na kwa kusudi gani yuko hapo alipo. Kujitambua hutoa fursa ya mtu kutambua nguvu zake za ndani na vipaji alivyonavyo, husaidia mtu kujipenda, kujithamini na kujikubali jinsi alivyo na kumuwezesha kufanya mambo kadhaa ili kuboresha hali ya maisha kwa kufanya uchaguzi sahihi. Kujitambua ndiyo kazi inayostahiki kupewa kipaumbele cha kwanza katika utunzaji wa afya, uzuri na urembo wa msichana.. read more...


page 1 of 212next »