YESU%20MFALME%20WA%20HURUMA.gif

Blog Kwa Wakatoliki

18010559_1256919237760740_2925276740254304995_n.jpg
HOME || MAKALA || TAFAKARI || SALA || MAFUNDISHO || MIUJIZA || WATAKATIFU || NYIMBO || PICHA || BK MARIA || SANAMU

By Melkisedeck Shine

.

πŸ‘‰ Somo la Leoβœ…

Imehaririwa na; Melkisedeck Leon Shine. Tarehe 30 Jan 2016 03:40. [Legal & Authority]

Jumapili ya 32 ya mwaka

Somo la kwanza

1 Wafalme 17:10-16

10Basi, Elia akaondoka, akaenda Sarefathi. Alipofika penye lango la mji, alimkuta mwanamke mmoja mjane anaokota kuni. Elia akamwita mwanamke huyo na kumwambia β€œNiletee maji ninywe.” 11Yule mwanamke alipokuwa anaondoka, Elia akamwita tena na kumwambia, β€œNiletee na kipande cha mkate pia.” 12Huyo mwanamke akamwambia, β€œNakuapia kwa jina la Mwenyezi-Mungu, Mungu wako aliye hai, sina mkate hata kidogo. Nilicho nacho ni konzi ya unga katika chungu na mafuta kidogo katika chupa. Nimefika hapa kuokota kuni, kisha niende nyumbani kupika chakula hicho, mwanangu na mimi tule, kisha tufe.” 13Elia akamwambia, β€œUsiogope. Nenda ukafanye kama ulivyosema. Lakini nitengenezee mimi kwanza na kuniletea andazi dogo, kisha jitengenezee wewe na mwanao chakula. 14Maana, Mwenyezi-Mungu, Mungu wa Israeli, asema hivi: β€˜Unga ulioko chunguni mwako hautapungua wala mafuta yaliomo ndani ya chupa hayataisha, mpaka hapo mimi Mwenyezi-Mungu nitakaponyesha mvua nchini.’” 15Basi, huyo mwanamke mjane akaenda akafanya kama alivyoambiwa na Elia hata mama huyo, jamaa yake na Elia wakapata chakula kwa siku nyingi. 16Unga chunguni haukupunguka, wala mafuta katika chupa hayakwisha sawa kabisa na neno la Mwenyezi-Mungu alilomwambia Elia aseme.

Zaburi/wimbo wa Katikati

Zaburi 146:7-10

7Mwimbieni Mwenyezi-Mungu nyimbo za shukrani,
mpigieni kinubi Mungu wetu!
8Yeye hulifunika anga kwa mawingu,
huitengenezea nchi mvua,
na kuchipusha nyasi vilimani.
9Huwapa wanyama chakula chao,
na kuwalisha makinda ya kunguru yanapolia.
10Yeye hataki nguvu za farasi,
wala hapendezwi na ushujaa wa askari;

Somo la pili

Waebrania 9:24-28

24Maana Kristo hakuingia Mahali Patakatifu palipojengwa kwa mikono ya watu, ambapo ni mfano tu wa kile kilicho halisi. Yeye aliingia mbinguni kwenyewe ambako sasa anasimama mbele ya Mungu kwa ajili yetu. 25Kuhani mkuu wa Wayahudi huingia Mahali Patakatifu kila mwaka akiwa na damu ya mnyama; lakini Kristo hakuingia humo ili ajitoe mwenyewe mara nyingi, 26maana ingalikuwa hivyo, Kristo angalipaswa kuteswa mara nyingi tangu kuumbwa ulimwengu. Lakini sasa, nyakati hizi zinapokaribia mwisho wake, yeye ametokea mara moja tu kuondoa dhambi kwa kujitoa yeye mwenyewe tambiko. 27Basi, kama vile kila mtu hufa mara moja tu, kisha husimama mbele ya hukumu ya Mungu, 28vivyo hivyo Kristo naye alijitoa tambiko mara moja tu kwa ajili ya kuziondoa dhambi za wengi. Atakapotokea mara ya pili, si kwa ajili ya kupambana na dhambi, bali ni kwa ajili ya kuwaokoa wale wanaomngojea.

Somo la Injili Takatifu

Marko 12:38-44

38Katika mafundisho yake, Yesu alisema, β€œJihadharini na waalimu wa sheria ambao hupenda kupitapita wamejivalia kanzu ndefu na kusalimiwa na watu kwa heshima sokoni; hupenda kuketi mahali pa heshima katika masunagogi, 39na kuchukua nafasi za heshima katika karamu. 40Huwadhulumu wajane huku wakijisingizia kusali sala ndefu! Siku ya hukumu watapata adhabu kali.”
41Yesu alikuwa ameketi karibu na sanduku la hazina. Akawa anatazama jinsi watu wengi walivyokuwa wakitoa fedha na kuzitia katika hazina ya hekalu. Matajiri wengi walitoa fedha nyingi. 42Hapo akaja mama mmoja mjane maskini, akatoa sarafu mbili ndogo za fedha. 43Hapo Yesu akawaita wanafunzi wake, akawaambia, β€œKweli nawaambieni, mama huyu mjane maskini ametia katika sanduku la hazina kiasi kikubwa kuliko walichotia wengine wote. 44Maana wengine wote walitoa kutokana na ziada ya mali zao, lakini huyu mama, ingawa ni maskini, ametoa yote aliyokuwa nayo, ametoa kila kitu alichohitaji kwa kuishi.”

uliyesoma.gif

πŸ™‰πŸ™‰πŸ™‰Usisahau kushare video hii.πŸ‘ Share facebook, twitter n.k bila kusahau WhatsApp!πŸ’―βœ”

πŸ“š Endelea kusoma kuhusu;-πŸ‘‡

Kichekesho%20KipyaJe wajua watu wote ni sawa ndio maana wanaitwa binadamu Itikadi na tofauti zetu za kidini zisitujengee chukiπŸ‘‰soma zaidiKizuri

Kichekesho%20KipyaNdugu yako yupo hapa anakuulizia Anakupenda sana na amekumissπŸ‘‰soma zaidiKizuri

.

TafakariπŸ‘‡

T.gif
HAPPY-MOMENTS.jpg

"Kila jambo lina Mkono wa Mungu juu yake hata kama limefanyika bila kupangwa au kukusudiwa. Mbele ya Mungu hakuna kitu kinachofanyika kwa Ajali au bahati mbaya.."

.

.

.

.

Melkisedeck%20Shine.gif

Mimi ni Melkisedeck Shine Mmiliki, Mwandishi /Mhariri.Soma%20Zaidi.gif

.

Wasiliana nami;

Kwa maoni, ushauri, nyongeza na hata salamu

Jina lako
Mawasiliano
Andika namba yako ya simu
Mahali unapotoka
Email
Ujumbe wako
Uwe Huru. Ujumbe huu ni siri yangu na wewe.

ABOUT AUTHOR | LEGAL GUIDELINES | CONSULT ME


ACKYSHINE.jpg

"Msomaji wangu mpenzi, nakukumbusha kutembelea blog hii kila wakati unapotaka kujifunza kitu. Kwa kufanya hivyo utaweza kujisomea mambo mapya ya kila siku.."