πŸ‘‰β” Utawa ni nini?

Utawa ni njia ya kipekee ya kuufikia ukamilifu wa Kristo kwa kujifunga hadharani kuishi mashauri ya Injili


πŸ‘‰β” Mashauri ya Injili ni nini?

Ni mwaliko wa kuchagua kwa hiari kuishi;

1. Ufukara

2. Utii

3. Ubikira au usafi kamili kwa ajili ya ufalme wa Mungu (Mk 10:29-30)


πŸ‘‰β” Mtaguso Mkuu unasema nini kuhusu kusudi la maisha ya Utawa?

Kusudi la maisha ya Utawa ni;

1. Kutoa Ushuhuda wa Kristo na Kanisa na kutimiza mapenzi ya Mungu

2. Kujitoa kwa Kanisa ambapo kwa Jina la Mungu Kanisa linapokea Nadhiri za Mtawa, Linazilinda kwa Sheria yake, kuzilisha kwa Sakramenti na Mafundisho yake.


πŸ‘‰β” Kwa njia ya watawa Kanisa linaonyesha nini mbele ya watu wote?

Kanisa linaonyesha jinsi Yesu alivyotenda mahali popote pale alipopita kwa mfano wagonjwa, maskini, wakosefu, watoto, vilema, wenye njaa na wasiojua habari njema


πŸ‘‰β” Watawa hujishughulisha na mambo gani?

1. Kumtukuza Mungu kwa sala, Ibada, tafakari ya Neno la Mungu na kuwaombea watu wote kwa Mungu

2. Kuwaongoza watu katika maisha ya kiroho

3. Kuwaelimisha watoto, vijana na watu wazima

4. Kuwauguza wagonjwa na kutunza wasiojiweza

5. Kueneza dini kwa njia mbalimbali

6. Kusimamia shughuli za Taasisi za Kanisa


πŸ‘‰β” Yapo makundi mangapi ya Kitawa?

Yapo makundi matatu ambayo ni;

1. Mapadre

2. Mabruda

3. Makatekista

Watawa wote hujifunga kwa nadhiri au ahadi za Ufukara, Utii na Usafi kamili


πŸ‘‰β” Ufukara wa kitawa ni nini?

Ufukara wa kitawa ni kutokuwa na mali Binafsi au kutotumia mali binafsi bila ruhusa. Ni kuitunza mali ya jamii kwa uangalifu na pia kuridhika na yale yapatikanayo. (Mt 19:16,21)


πŸ‘‰β” Utii wa kitawa ni nini?

Utii wa Kitawa ni kuweka utashi chini ya Mungu kupitia Mkuu wa Shirika na kutenda yale anayoamriwa kadiri ya mahitaji ya Kanisaa na Shirika. (Yoh 5:30; Yoh 6:38; Yoh 4:34)


πŸ‘‰β” Ubikira au Usafi kamili maana yake ni nini?

Ni kujinyima Ndoa kwa hiari na kutunza usafi wa Moyo kadiri ya Amri ya Sita na Tisa ya Mungu kwa maisha yote.


πŸ‘‰β” Mashirika ya Kitawa yapo mangapi?

Mashirika ya Kitawa yapo mengi na yana Karama/Utume mbalimbali, ila yote yanamtukuza Mungu Baba na Kumsujudia Yesu Kristo. (1 Kor 12:4-6)


πŸ‘‰β” Mwenye kusikia mvuto wa kuingia Utawa afanyeje?

1. Asali akiomba mwanga wa Roho Mtakatifu

2. Awaeleze wazazi wake na kutafuta ushauri kwa Padre au Mtawa

3. Atembelee nyumba za Utawa au asome habari za mashirika mbalimbali ya kitawa ili aweze kuchagua shirika linalolingana na vipaji vyake.

4. Awe na juhudi kubwa Katika Sala, Masomo na Kazi

5. Awe mcha Mungu na Anayependa watu

6. Awe na afya njema


πŸ‘‰β” Hatua za maisha ya kitawa ni zipi?

Hatua za maisha ya kitawa ni

1. Uaspiranti - Mtarajiwa wa Maisha ya Kitawa

2. Ukandidati - Mtarajiwa wa maisha ya kitawa

3. Upostulanti - uombaji wa Maisha ya kitawa

4. Unovisi - Utu mpya katika maisha ya kitawa

5. Mtawa mwenye nadhiri za muda

6. Mtawa mwenye nadhiri za kudumu


πŸ‘‰β” Nadhiri ni nini?

Nadhiri ni Ahadi yenye kiapo, kwa Mungu kwa kila lengo la kuishi Karama fulani ya Utawa, na kawaida hufanywa hadharani


πŸ‘‰β” Wito wa Katekista ni nini?

Ni wito maalumu kutoka kwa Roho Mtakatifu na ni karama maalumu inayotambuliwa na Kanisa na kufanywa dhahiri kwa mamlaka ya Askofu


Chagua aina ya mada ya maswali unayotaka kusoma hapa..

πŸ™‰πŸ™‰πŸ™‰Usisahau kushare makala hii kuhusu Maswali na majibu kuhusu Utawa.πŸ‘ Share facebook, twitter n.k bila kusahau WhatsApp!πŸ’―βœ”


IMG_20180905_125630.jpg
Ujumbe wangu kwako kwa sasa

Mungu ni Mwaminifu Sana na mwenye mipango na subira katika kila kitu hasa Sala na maombi yetu kwake. Tunaposali leo Mungu anatusikia na kujibu leo, kesho au hata miaka kumi ijayo. Inawezekana hata baraka zako za leo ni majibu ya Sala zako miaka kumi iliyopita. Sali bila kuchoka kwani hujui Sala zako zitakusaidia lini. Usitegemee majibu ya Sala zako wakati huo huo, amini katika uaminifu wa Mungu kwani anajua lini ni siku sahii ya kukujibu.

Mungu Akubariki sana… Tuombeane!

rafiki.gif

πŸ“š Endelea kusoma kuhusu;-πŸ‘‡

KWA-NINI-TUNAMUHESHIM-MARIA.JPG