Litania ya Huruma ya Mungu

By, Melkisedeck Shine.

Litania ya Huruma ya
Mungu

Bwana utuhurumie –
Bwana utuhurumie
Kristu utuhurumie – Kristu
utuhurumie
Bwana utuhurumie –
Bwana utuhurumie
Kristu utusikie – Kristu
utusikilize
Baba wa mbinguni Mungu –
utuhurumie
Mwana Mkombozi wa dunia
Mungu - utuhurumie
Roho Mtakatifu Mungu -
utuhurumie
Utatu Mtakatifu Mungu mmoja –
utuhurumie.
Huruma ya Mungu iliyo sifa kuu
ya Muumba wetu -
Tunakutumainia (iwe
kiitikio)
Huruma ya Mungu iliyo kilele cha
ukamilifu wa Mwokozi wetu
Huruma ya Mungu iliyo upendo
usiopimika wa Roho Mtakasa
Huruma ya Mungu fumbo
lisilofahamika la Utatu Mtakatifu
Huruma ya Mungu iliyo ishara ya
uwezo mkuu wa Mungu
Mwenyezi
Huruma ya Mungu
iliyofumbuliwa katika kuziumba
Roho za Malaika wa mbinguni
Huruma ya Mungu iliyotuumba
na kutuamuru tuwepo bila
kutokana na chochote
Huruma ya Mungu inayotujalia
maisha ya kutokufa
Huruma ya Mungu inayotukinga
na adhabu tunazostahili
Huruma ya Mungu inayotuinua
tutoke katika taabu, unyonge na
maumivu ya dhambi zetu
Huruma ya Mungu inayotufanya
wenye haki katika Neno
aliyejifanya Mtu
Huruma ya Mungu inayofurika
kutoka katika majeraha ya Kristu
Huruma ya Mungu inayobubujika
kutoka ndani ya Moyo Mtakatifu
wa Yesu
Huruma ya Mungu iliyotupatia
Bikira Maria Mtukufu awe kwetu
Mama wa Huruma
Huruma ya Mungu iliyoonyeshwa
katika kuanzishwa Kanisa
Katoliki
Huruma ya Mungu inayopatikana
katika mafumbo ya Sakramenti
Takatifu
Huruma ya Mungu inayotolewa
kwa wanadamu wote kwa njia ya
Sakramenti ya Ubatizo na Kitubio
Huruma ya Mungu inayotolewa
katika Sakramenti ya Ekaristi na
Upadrisho
Huruma ya Mungu
inayoonyeshwa kwetu pale
inapotuita na kutuingiza katika
kuwatakatifuza wenye haki
Huruma ya Mungu inayotimilika
katika ukamilifu wa watu
watakatifu
Huruma ya Mungu chemchemi ya
afya kwa wagonjwa na wote
wanaoteseka
Huruma ya Mungu iliyo faraja ya
wote wenye uchungu moyoni
Huruma ya Mungu iliyo tumaini
la roho zinazosumbuliwa na
mkato wa tamaa
Huruma ya Mungu iliyo mwenzi
wa daima na popote wa watu
wote
Huruma ya Mungu inayowahi
kutuletea neema zake
Huruma ya Mungu iliyo amani
yao wanaokufa
Huruma ya Mungu iliyo
burudisho na faraja yao
marehemu wa toharani
Huruma ya Mungu iliyo furaha
ya mbinguni kwa watakatifu wote
Huruma ya Mungu iliyo taji la
watakatifu wote
Huruma ya Mungu chemchemi ya
miujiza isiyokauka
Mwanakondoo wa Mungu
uliyetuonyesha huruma yako kuu
katika kuikomboa dunia kwa
msalaba wako mtakatifu, -
utusamehe ee Bwana
Mwanakondoo wa Mungu
unayejitolea kwetu kwa mapendo
na huruma katika kila adhimisho
la Sadaka ya Misa Takatifu,-
utusikilize ee Bwana
Mwanakondoo wa Mungu
anayeondoa dhambi za dunia
kwa njia ya huruma yako isiyo
na mwisho,- utuhurumie.
Kiongozi : Bwana utuhurumie –
Wote: Kristu utuhurumie, Bwana
utuhurumie.
Kiongozi : Huruma anana za
Bwana zi juu ya kazi zake zote –
Wote: Huruma za Bwana
nitaziimba milele.
Tuombe: Ee Mungu uliye na
huruma isiyo na mwisho, na
hazina za wema na upendo wako
hazina mipaka. Tunakusihi
ututazame sisi watu wako huku
duniani na kutuongezea huruma
yako tena na tena, ili itusaidie
tusije tukakata tamaa hata mara
moja, haidhuru tukumbane na
majaribu makubwa kiasi gani,
bali tuweze daima kuzielekea na
kuzishika amri zako, kwa
matumaini na kutimiza mapenzi
yako matakatifu, ambayo ndiyo
huruma yenyewe. Tunaomba
hayo kwa njia ya Bwana wetu
Yesu Kristu Mwanao, Mfalme wa
Amani na Huruma, aishiye na
kutawala nawe, na Roho
Mtakatifu, kwa pamoja
mkituonyesha huruma, daima na milele Amina



Fwatilia Website hii kupokea Makala Kama hii ya Litania ya Huruma ya Mungu

Endelea kusoma makala hizi za kufanana na hii ya; Litania ya Huruma ya Mungu

[Sala Ya Sasa] 👉Majitoleo ya Asubuhi

[Wimbo Mzuri PA.gif] Salamu Maria Salamu

[Tafakari ya Sasa] 👉Maisha ya Kikristo ni sala

[Mtakatifu wa Sasa] 👉Mtakatifu Jorome

UJUMBE-KUOMNBA-KUKUTANA-NA-NDUGU.JPG

a.gif Kwa kusudi gani Yesu alianzisha Kanisa?

Yesu alianzisha Kanisa kwa nia ya Kuutangaza na kuueneza Ufalme wa Mungu (Mt 28:19-20).. soma zaidi

a.gif Mababu watatu wa Imani Katika Biblia ni wakina nani?

Mababu wa Imani ni Ibrahimu, Isaka na Yakobo.. soma zaidi

a.gif Je, tunaweza kusema juu ya Mungu?

Ndiyo, tunaweza kusema juu ya Mungu kuanzia wema, ukweli na uzuri wa viumbe vyake na kumsifu kiasi chetu kwamba ndiye wema, ukweli na uzuri wenyewe… soma zaidi

a.gif Ushirika wa watakatifu maana yake nini?

Ushirika wa watakatifu maana yake sisi, kwa kushiriki mafumbo matakatifu tunaunda ndani ya Kristo mwili mmoja, ambamo waadilifu waliopo duniani, marehemu wa toharani na wenye heri wa mbinguni tunaunganishwa na upendo tufaidike na mema ya kila mmoja… soma zaidi

a.gif Mtakatifu Maria Magdalena

Kadiri ya Injili, baada ya kushuhudia kifo cha Yesu na mazishi yake (Mk 15:40-16:1; Math 27:56-28:1; Yoh 19:25), upendo na juhudi vilimfanya mwanamke huyo awahi kwenye kaburi lake alfajiri ya siku ya Jumapili. Huko alitokewa na malaika na kuambiwa amefufuka… soma zaidi

a.gif Hapa duniani Yesu alizaliwa na nani?

Hapa duniani Yesu alizaliwa na Bikira Maria kama malaika alivyomuambia:.. soma zaidi

a.gif Maklero ni wakina nani?

Maklero ni watu wote wenye daraja Takatifu yaani Maaskofu, Mapadri na Mashemasi… soma zaidi

a.gif Nyimbo za Mama Bikira Maria

Zifuatazo ni nyimbo nzuri za Bikira Maria.. soma zaidi

a.gif Je magoti yanayopigwa wakati mwingine tofauti na wakati wa kuabudu yana maana gani?

Magoti yanayopigwa wakati wa sala mfano kanisani, nyumbani, mbele ya sanamu, jumuiyani, shuleni yanaitwa Mkao wa sala.. soma zaidi

a.gif Imani ni cheti cha Kuweza kupata yote

Imani ni kuwa na uhakika hata kwa mambo yasiyoonekana na yasiyowezekana. Ni kujua au kutarajia kwa uhakika kwa mambo ambayo bado hayajawa bayana (wazi) kuwa yapo au yatafanyika… soma zaidi

Fwatilia Website hii kwenye Email yako. Ingiza Email yako hapa kisha Bofya SUBSCRIBE na ufuate maelekezo

.

.

.

.

Website na, Melkisedeck Leon Shine | Tembelea website nyingine Hapa>>.