tags

Lengo kuu la visakramenti ni lipi?

Lengo kuu la visakramenti ni kuwaandaa watu wapokee kwa imani sakramenti zitakazowatia uzima wa Mungu unaodumu milele. Hivyo visakramenti visitiwe maanani kuliko sakramenti zilizowekwa na Yesu mwenyewe ziwe kiini cha maisha yetu. “Amin, amin, nawaambieni: Ninyi mnanitafuta, si kwa sababu mliona ishara, bali kwa sababu mlikula ile mikate mkashiba. Msikitendee kazi chakula chenye kuharibika, bali chakula kidumucho hata uzima wa milele, ambacho Mwana wa Adamu atawapa” (Yoh 6:26-27). Sakramenti zinatujaza baraka na kutukinga kuliko kisakramenti chochote.


Kanisa linatoa visakramenti kwa nani?

Kanisa linatoa visakramenti hata kwa waamini wenye vizuio na kwa wasio Wakristo, kwa sababu vinaeleweka na kuthaminiwa kwa urahisi, kwa kuwa zinasaidia kufurahia maisha. “Ikawa katika njia kuu hutoa nje wagonjwa, na kuwaweka juu ya majamvi na magodoro, ili Petro akija, ngawa kivuli chake kimwangukie mmojawapo wao. Nayo makutano ya watu wa miji iliyoko kandokando ya Yerusalemu wakakutanika, wakileta wagonjwa, nao walioudhiwa na pepo wachafu; nao wote wakaponywa” (Mdo 5:15-16). “Mungu alifanya kwa mikono ya Paulo miujiza ya kupita kawaida; hata wagonjwa wakaletewa leso na nguo zilizotoka mwilini mwake, magonjwa yao yakawaondokea, pepo wachafu wakawatoka” (Mdo19:11-12).


Visakramenti ni nini?

Visakramenti ni Baraka za Kanisa juu ya watu, vitu na mahali kwa lengo la kuandaa watu kupokea tunda la Sakramenti na kutakatifuzwa mazingira mbalimbali ya maisha tunamoishi


Kwa nini tunatumia Visakramenti?

Tunatumia visakramenti kwa sababu vinatusaidia rohoni na mwilini na vinatuongezea Imani na kutuletea msaada wa Mungu


Ni visakramenti gani hutumika mara nyingi?

Visakramenti vinavyotumika mara nyingi ni Rozari, Misalaba, Medali, Skapulari, Maji ya Baraka, Chumvi mishumaa n.k


Tuvitumie visakramenti kwa namna gani?

Tuvitumie visakramenti kwa imani na matumaini; yaani kwa kwa kutumainia kupata ulinzi wa Mungu kwa ajili ya baraka ya Kanisa


Tuchukue tahadhari gani tunapotumia visakramenti?

Tunapotumia Visakramenti tuchukue tahadhari hizi

1. Visichukuliwe nafasi ya Mungu

2. Tusijitie hatarini bila sababu kwa kutumia kama ulinzi wetu


Nini faida ya Visakramenti?

1. Kuongeza moyo wa Imani na uchaji

2. Kujipatia neema mbalimbali

3. Kujipatia misaada ya mwili na Roho

4. Kukingwa na maovu na kutakaswa na maovu


YESU-ANAKUPENDA.png